لغه ولاد اليومين دول

طبعا احنا هنا كلنا اخوات وطبعا انا ولد وعلشان انتم اخواتي احب اعرفكم لغتنا طبعا انا بقولهلكم علشان انتم زي اخواتي يا بنات مش علشان اضيئكم لالا لا سامح الله ولا علشان اخليكم تضيقوا لالا بردو لا سامح الله اوعوا تفهموني غلط اوعوا ركزوا واتعلموا





لغة ولاد اليومين دول
يقولون:1- انا حبيتك من اول مرة كلمتك فيها مش عارف ارتياح كدةمش عارف عملتى فيا ايه=عارف انك مش هبلة وفاهمة انى بستهبل بس اعملى نفسك مقتنعة
2-على فكرة ماضيكى ماليش دعوة بيه لانه قبل ما تعرفينى=براحة كدة قولى يا ماما عرفتى كام واحد قبلى
3-انا مقدر صراحتك وانك حكيتيلى على حبك القديم بصراحة دى صراحة نادرة ف الزمان ده=انتى بجحةاوى
4-فداكى يا ستى انى خلصت كارت الموبايل عليكى=ما انتى لو تحسى على دمك شوية وتبطلى ترنى وتتكلمى بدل الرنات
5-انا على فكرة مش عايزك تسمعى كلامى وخلاص لازم تبقى مقتنعة=ييييييييي اسمعى الكلام وخلاص ايه القرف ده
6-على فكرة اكتر حاجة بحبها فيكى عقليتك الناضجة وحبك للنقاش=نفسى اكسرلك دماغك دى
7-بس ايه رايك ف الشنطة اللى جبتلك فيها الهدية=يارب يكون نظرها ضعيف عشان ما تاخدش بالها انها شنطة هدية قديمة كانت عندى
8-طبعا مصدق ان جالك عريس النهاردةهتكدبى ليه يعنى=يااااااااااا لسه فى بنات بتعمل الحركة دى دى قديمة اوى
9-على فكرة انتى امورة اوى النهاردة=مش عارف ايه البلاوى اللى بيحطوها على وشهم دى
10-ما تعيطيش دموعك غاليه عليا اوى=خلاص بقى انتى هتعيشيلى ف دور الشهيدة ولا ايه