أه يا شوكه .. أه يا جلده

اه يا شوكه مغروسه بقوه
اه يا جلده على الظهر ملويه

جلد وصلب .. ومسامير كمان
وشوك على الجبين رمز الاستهزاء

وطعنه جت فى جنبك بقوه
للاطمنان على موت صح ولا خدعه

مشيت الطريق ومقولتش لا
ولا نطقت .. توضيح للحق

سكت .. وسكوت كان عجيب
سكت .. رغم الالام والتعذيب

وشلت الصليب وقولت صليبى
هو اللى هيخلص العالم من أبليس

ومشيت .. ومشيت ومشيت
طريق كل تعب مع تعذيب

وخارج المدينة كان المكان
مكان صلبك مع لصين

واحد على اليمين والتانى على الشمال
اللص اليمين أمان والتانى صار مع المجدفين

والكهنه من تحت بتتكلم
" يا ناقض الهيكل وبانيه فى ثلاثة أيام
خلص نفسك ! إن كنت ابن الله "

والعدرا مع يوحنا تحت الصليب
فى بكاء غريب على الحبيب

وصرخ الرب " قد أكمل " ومات
وأتفتحت القبور وأنشق الحجاب

واعترض الكون على موت الحبيب
والشمس أختفت والصخور أتكلمت

وجه قائد المئه وقال
فعلا كان اله .. وحبه عظيم للابد

ومات المسيح فداء للبشريه
لكن احنا لحد دلوقتى
بنصلبوا فى اليوم الف مره