زجل لحبيبى مار جرجس

مار جرجس إسم غالى وإسم جميل
مار جرجس ذِكر إسمه يشفى العليل
من كبادوكية حسبه ونسبه أصيل
حُبه فى قلوبنا كبير و مالوش مثيل





مار جرجس نلاقى معنى إسمه فلاح
مار جرجس إتشفع به على طول ترتاح
والطالب بعد إمتحاناته يحقق أعلى نجاح
والخاطىء بصلواته يعيش فى صلاح





مار جرجس سريع الندهة وللشهدا أمير
مار جرجس إطلبه فى الشدة من غير تفكير
تلاقيه جاى لك على حصانه الأبيض الكبير
وفى معركتك مع إبليس غالب و بتقدير





مار جرجس للندهة تلاقيه سريع
مار جرجس قديس قوى وشفيع
هو مش بعيد لكنه قريب من الجميع
وللكل ملبى طلبه مستجيب وسميع





مار جرجس صيته ذاع فى ميت دمسيس
كنيسة المرضى هناك ياما إنهزم فيها إبليس
وقوته إنتهت ولا يلاقى أى أنيس
وبسلطان أولاد الله يفضل حبيس





مار جرجس من كثرة عذاباته إتحمل الآلام
سبع سنين أكملهم بالكمال والتمام
ولا دافع عن نفسه ولا قال أى كلام
ومحبة ربنا مالية قلبه ومعاها السلام





ياشهيد ياعظيم نلت سبع أكاليل
يارب لك المُلك والعظمة والتبجيل
بشفاعة أم النور والملايكة وطغمات التهليل
ساعدنا على التوبة وما يكون فيها تأجيل