ازاى تكوون رزل ... ازاى بس ... ؟؟؟؟؟؟

الحصة الأولى
ازاى تبقى رذل فى المواصلات




لو راكب فى باص أو ميكروباص وجنبك حد نايم اوعى تسيبه نايم


كل شوية اقعد قول وصلنا عشان يصحى مخضوض واقعد صحيه وقوله مش انت نازل هنا بيتهيألى


لو مش نايم متسيبوش فى حاله برضه عيب عليك متجيش


ركز على سؤال واقعد اسألهوله كل شوية زى أنت نازل فين طب انت دفعت ولا لأ


لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد




أو قوله ماتنزل من الشباك !!


لو انت فى أتوبيس وقاعد على كرسى وجنبك ناس واقفة استمتع بقى وخدك وقتك




اتمطع بقى وقول ياسلام على الراحة الواحد مكنش عارف هيعمل أيه لو مش قاعد


لو العكس بقى اقعد اسأل كل واحد انت نازل فين واقعد قول بصوت عالى




ياجماعة محدش نازل قريب أصل انا عايز اقعد طول مانت واقف قول كده لحد مايقعدوك


لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين






قوله مانا عشان ابقى عارف بس وتقل فى العيار يمكن يسيبك ويمشى


لما يدى حد تذكرة قوله ورينى كده لو سمحت واقعد اتأمل فيها




لحد ما صاحبها يزهق ويشدها منك


فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا








كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه






لحد الناس ماتشيلك وترميك بعد ماتكون جبتلهم السكر ورفعت ضغطتهم








__________________________________________________ ______________________________



الحصة التانية
ازاى تبقى رذل فى الكلية


فى الكلية هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام


قوله اوك يبقى اكتب واحد شاورمة


طب عندك كبده ؟ هيقولك ايوة قوله معمولة ازاى ؟




سيبه يرغى شوية وقوله انا اصلا مبحبش الكبدة فكك


حاول تطلب حاجات غريبة زى سندوتشات حلاوة طحينية أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها






المهم حاول تجيبله جفاف عقبال ماتطلب اللى انت عايزه !!


وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى




لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة


ومتنساش تعيب على الأكل وأنت بتحاسب وكمان تقول الحساب غالى
فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن




يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك


أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور !!!







لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت




طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا !!

هههههههههههههههههههههههههههههههههههههههه