سوال مهم جدا وارجو الرد بسرعة

بسم الثالوث القدوس
احب اسال سوال مهم وارجو الرد عليا بسرعة
هل لو واحد اتعرف على واحدة وعاوز يرتبط بيهاومشفهاش قبل كدة
هل من حقة انة يشوفها فى كنيسة ما
فى يوم يتفقوا علية
ولا دة مش من حقة
وهل لازم يشوفها فى بيت اهلها زى كلام الكبار ولا لازم يعرفها الاول علشان ممكن ميتفقوش
يعنى لو اتقابلوا فى كنيسة قدام ربنا
دة غلط
ولا صح

وهل ممكن يكون بيلعب بيها رغم انها متاكدة ان اخلاقة عالية جدا وبتاع ربنا
ارجو الرد عليا بسرعة
واعرف رايكم فى الموضوع دة
ياريت الرد بسرعة

واشكر اسرة المنتدى

بوصى واضح جدا جدا انك بنت ومحتارة
انتى شايفة انك لو عملتى كدة مش هتبقى خنتى ثقة اهلك فيكى
لازم على الاقل تكون مامتك عارفة وانتى حكيالها وتبقى عارفة انك رايحة تقابلى الشخص دة
اى كان فى كنيسة ولا لاء بس لازم يكون حد من عندك عارف
اما حكاية انة ممكن يكون بيلعب بيكى فدة انتى الى تحكمى من المواقف الى عملها
ربنا معاكى وينورلك طريقك ويقدم الى فية الخير ليكى
ويحفظك ببركة ام النور
ابقى طمنينى عليكى يا اختى

شكرا جدا على ردك ليا ياكوكى
صليلى امتحاناتى قربت كمان
وربنا معاكى وينور ليك طريقك
بس على فكرة انا مامتى عارفة كل حاجة
وصريحة جدا مع اهلى
بس بردة مش عاوزة اعمل حاجة غلط
وكنت عاوزة اخد رأيكوا بردة
علشان اتاكد انى ماشية صح مش غلط
وشكرا جدا لردك
وصليلى
وربنا معاكى ويباركك